Broken

Bakit ang hirap tanggapin na ayaw sa'yo ng isang tao? 

Kahit anong gawin ko palagi akong talo. Kahit humakbang ako palayo, ilang beses nanunumbalik na gusto ko parin siya kahit ayaw niya sa akin. Sobrang nakakainis. Sobrang nakakaasar. Wala naman siyang ginagawa para manumbalik na gusto ko parin siya sa paglipas ng panahon. 

Suntok sa buwan.

Sinasabi ko nga sa aking dasal, "Sana matagpuan niya na yung girlfriend niya. Matagpuan niya na po yung magpapangiti sa kanya, magmamahal at mamahalin niya. Yung taong kaya po siyang tanggapin at tinatanggap niya. Yung taong kaya po siyang intindihin at maiintindihan niya. Nahihiya po akong sabihin pero sana po ako nalang. Pero hindi niya po talaga ako pinapansin. Kahit anong gawin ko po."

Bitter.

Sana makaya ko na tanggapin na hindi ako ang girl na pinapangarap niya at harapin ang katotohanan na kahit kailan walang kaming dalawa.

Obvious na bitter ako. Hindi naman pwede sa Facebook ko ipangalandakan ang emosyon ko. Kaya dito nalang. Badtrip lang talaga.

Ang dami kong naiisip na tanong, tulad nalang nang:

Bakit hindi siya nagreply?
Bakit ayaw niya sa akin?
Bakit ang suplado niya?
Bakit hindi nalang niya i-click ang unfriend sa profile ko?

Magsalita ka naman! Sabihin mo naman kung ano yung tumatakbo sa isip mo. Paikot-ikot lang ang lahat.

Ang t*nga ko.

Hindi ako nararapat sa kanya dahil hindi ako yung magpapasaya sa kanya. Mahirap ipagpilitan ang sarili sa taong walang pakiramdam sa'yo, na tila nakasarado ang pintuan at bintana para sa'yo. 

Nakakapagod.

Madalas mayroon tayong mga dinadasal, na akala natin hindi sinasagot ng Diyos. Pero ang hindi natin alam may sagot na SIYA, maaaring nasa harapan o nasa paligid lang, pero hindi natin naririnig dahil sa ipinagpipilitan natin kung ano ang ating gusto mangyari.

We don't need to rush. If something's bound to happen, it will happen. In the right time, with the right person and for the best reason.